قصيدة للهلال ,, على نسق " ناقتي يا ناقتي "

السلام عليكم ورحمة الله وبركاته

الهلال .. والابداع

تؤامان لايفترقان لذلك .. لاتستغربوا ان حاولنا اسقاط كل معاني الجمال

على هذا الجمال الاخر المسمى

هــــــــــــلاال

وماهذه الا محاوله لمجاراة قصيدة المبدع ناصر الفراعنه

التي اتى بها موخراً في شاعر المليون


---


فرقتي .. يافرقتي



فرقتي يافرقتي ياعمى عيـن الحسـود
وصليني غايتي في شواهيـق الجبـال
غيرنا عاشر سنه من ركودٍ فـي ركـود
يوم حنا نشرب الماء من العـد الـزلال
يامقرنسة الصقـر يامروضـة الاسـود
يابعد من صال في داخل الملعب وجـال
في عيوني يلمع الكاس وتقوم الوفـود
وانتهض ياسر وجاء بالهدف شيئاً محال
وفي ضميري قصة المجد ماعنها حيود
يوم اور دها ثقالاُ ... واصدرهـا ثقـال
ازرق وابيض ظهر (والنوايا السود)سود
وابيض وازرق حقيقه تجلت من خيـال
الفريق اللي تعدى الحدود مـن الحـدود
اسمه الثاني بطل واسمه الاول هـلاااال
من سنوداً في سنوداً نبي نرقى سنـود
وقفةً نوقف بها تعتبـر فـوق الخيـال
الهلالي لاحضر برق وامطـار ورعـود
بسم ربي بسم ربي على هـذا الجمـال
والحهات الاربعه للهلال اكبـر شهـود
شرق ولا غرب ولا جنـوبً او شمـال
الزعامـه ماتزعـزع بحقدمـن حقـود
والمثل قـد قـال ماللثقـال الا الجمـال
مانقف للـي يلـف الاجابـه والـردود
قالها تصريح او لحن في لحـن المقـال
قادنا محمد ولد فيصل من (ال السعـود)
بالعزيمه والتحـدى ووقفـات الرجـال
الرجال اللي تحل العقـود مـن العقـود
شغلهم تنظيم ماهـو بشغـل الارتجـال
وبندر اللي لاتعزوى يقود القـوم قـود
وقفته لامن وقفهـا ابـد مالـه مثـال
ولايهونون البقيه بـلا حصـر وعـدود
كلهم وقفاتهـم طيبـه فـي كـل حـال
والوقود من الجماهيـر مابعـده وقـود
لاتشعلل شعلته تشعل الـروح اشتعـال
خصمنا يجمد دمه في شرايينـه جمـود
وتختفي جن الخلا لاظهر نادي الهـلال
ولاتعـذر سيـداً نلتقـي سيـد يسـود
نكتـمـل بالمقـدريـه ولله الكـمـال
الطوال طوال ماطالها الهيـس الشـرود
ولو نقول نطول والطايل يطول الطـوال
وان حضر تيفا وطارق تكاملن الفهـود
مع عمر ومحمد اللي يحسمون النـزال
وخالد وماجد واحمد ونـواف الجنـود
والمطوع يسحر الناس بالسحر الحـلال
والشباك امان دام الدعيع فـي الوجـود
علموه انـا نعـارض قـرار الاعتـزال
وبالفريق الاحتياطي عن العالـم نـزود
ماعلينا خوف لو جا لهم بكـره مجـال
زادت بطولاتنـا زود .. زود ..زود زود
وارتقينا للمعالـي بـلا حكـي وجـدال
وابشري بالخير والجود من جوده يجود
ياجماهيرً تجمهـر مـع نـادي الهـلال

---

اتمنى القصيدة اعجبتكم

يعطيكم العافية


عبدالرحمن

ههههههههـ ..

شاكر لك الرد على الموضوع اخوي محمد

اجل دحيمي

الله يسلمك .. ما تقصر ابو حميد

العفو ..

وشاكر لك مرورك اخي فارس